کۆمین
جیاوازی، دیالۆگ، تەواوکاری
ڕێکخراوی کۆمین بۆ کولتور و دیموکراسی
منظمة كومين للثقافة والديمقراطية
KOMIN Organization for Culture & Democracy
بونیادنانی کۆمەڵگەیەکی هۆشیار، کە تیایدا دیموکراسی و دیالۆگی نێوان جیاوازییەکان ببێتە کولتور و بنەما و هەوێنی پێکەوەژیان و لێبوردەیی و یەکتری پەسەندکردن، ئەمەش بۆ ئەوەی ڕێز لە بەها و بیروڕاکان بگرین و کەشێکی ئازاد و یەکسان لە ژیانی کۆمەڵگەدا بێنینە ئاراوە.
کارکردن بۆ زیندووکردنەوە، نوێکردنەوە و گەشەپێدانی کولتور و کەلەپووری دەوڵەمەندی کۆمەڵگەی کوردی و بەشداری پێکردنی لەگەڵ بەها گەردوونییەکانی ئازادی و دیموکراسی، لە ڕێگەکانی پەروەردەی مەدەنی، پشتگیریکردنی داهێنانە کولتوورییەکان، پەرەپێدانی یەکسانی و هۆشیاری و مافەکانی مرۆڤ، پاراستنی ژینگە و ژیانی هاوسەنگ لەگەڵ سروشت، هەروەها پەرەپێدانی تواناکانی تاک بۆ بەشداریکردنێکی کارا لە بەشداری سیاسی و کۆمەڵایەتیدا، بە هەستی نیشتمانیی بەرزەوە.
دروشم: جیاوازی، دیالۆگ، تەواوکاری
ناوەندی سەرەکی لە شاری ڕانیەی ناوەندی ئیدارەی سەربەخۆی ڕاپەڕین دەبێت، بە گوێرەی یاسا بەرکارەکانی هەرێمی کوردستان مافی چالاکی و کردنەوەی ناوەند و بنکەی هەیە لە سەرجەم شار و ناوچەکانی هەرێمی کوردستان و دەرەوەی هەرێمی کوردستان کە یاسا و ڕێساکان ڕێگەی پێدەدەن.
ڕێکخراوی کۆمین لە بواری پەرەپێدانی کولتووری و هزر و ڕەفتاری دیموکراسی، لە کۆمەڵگەی کوردیدا کاردەکات، لە پێناو پەرەپێدانی بنەماکانی کۆمەڵگەی مەدەنی و پێکەوەژیانی جیاوازییەکان و هێنانەکایەی دیالۆگی ئەقڵانی و شارستانییانە و پێشخستنی هەمەلایەنەی کۆمەڵگە بە تایبەت لە باری فەرهەنگیدا.
پێگیریکردن بە یاسا بەرکارەکانی هەرێمی کوردستان.
پاراستنی بەرژەوەندییە گشتی و باڵاکانی هەرێمی کوردستان.
پاراستن و بەدۆکیومێنتکردنی شوناسی کولتووری و ڕێگریکردن لە سڕینەوەی ناسنامە و فەرهەنگ و باوەڕ و بەها ڕەسەنەکان.
هاندانی گەنجان بۆ داهێنان لە بوارە جیاوازەکانی چاند، هونەر و ئەدەبدا وەک ئامرازێکی کاریگەری گۆڕانکاری و زمانی هاوبەش لە نێوان جیاوازییەکاندا.
ڕەخساندنی دەرفەت بۆ ناساندن و بەشداریکردن و ئاڵوگۆڕی فەرهەنگ و کەلەپوور و کولتووری کۆمەڵگەی ڕەسەنی کوردستان لەپاڵ کولتوورە جیاوازەکانی جیهاندا.
بڵاوکردنەوەی ڕۆشنبیریی دیموکراسی و مافەکانی مرۆڤ لە ناوەندە جیاوازەکانی کۆمەڵگەدا.
بەهێزکردنی بنەماکانی لێبوردەیی، پێکەوەژیان و قبوڵکردنی جیاوازییەکان و جیاڕایی.
کارکردن بۆ بەشداری ئازاد و دیموکراسییانەی تاک لە پرسە گرنگ و چارەنووسسازەکانی کۆمەڵگەدا، بۆ ئەوەی بەرپرسیارێتی و بنەما ئاکارییەکان لە پانتایی کۆمەڵگەدا وەک ئەرک هەژمار بکرێن.
کردنەوەی خول و ڕاهێنان، ئەنجامدانی توێژینەوە و چاپکردنی نووسین و بڵاوکراوە بۆ بەکولتوورکردنی دیموکراسی ڕاستەقینە و ڕەنگدانەوەی لە ڕەفتار و ژیانی تاکەکەسی و کۆمەڵایەتیدا.
دروستکردنی پانتایی و سەکۆی ئازاد بۆ گفتوگۆی شارستانییانە و بەرهەمدار لە نێوان نەوەکان و گروپە کۆمەڵایەتییە جیاوازەکاندا، و بەشداری لە پەرەپێدانی هزر و کۆمەڵگەی کراوە و دیموکراتدا.
فەراهەمکردنی دەرفەتی ڕاهێنان بۆ تاکەکان تا ببنە سەرکردەی کاریگەر و بەرپرسیار لە دەڤەر و بوار و کارامەییەکانی خۆیاندا.
هاندان بۆ دروستکردن و پەرەپێدانی توانست و خولیاکانی گەنجان لە چوارچێوەی گروپەکانی هونەری و کولتووری و ڕۆشنبیری، کۆدوان و کۆڕ و هاوڕێیانی هزر و کتێب، خۆبەخشانی ژینگەیی، پاراستنی شوناس، بەشداری کارای گەنجان و ژنان، زمانی کوردی و هەموو ئەو بوار و بابەتانەی کە دەبنە مایەی تەواوکاری و کارلێکی ئازاد و دیموکراسییانەی نێوان جیاوازییەکان.
توێژینەوە لە پانتایی کولتور و کۆمەڵگەدا، هزر و زمان و مێژوو، لە پێناو نیشاندانی بەهێزی و دەوڵەمەندی و توانستەکان، هەروەها بەشداری لە چارەسەرییەکان و ناسین و تێگەیشتن لە پانتایی و قووڵایی کۆمەڵگە لە ڕەهەندی جیاوازەوە.
هەموو شێوازێکی کاری مەدەنی ئاشتیخوازانە.
ڕێکخستن و ئەنجامدان و بەشداری لە چالاکی کۆدوان و کۆڕ و سیمینار و کۆنفرانس و دیالۆگی کراوە و ئازاد.
ئەنجامدانی توێژینەوە و ڕاپرسی و ڕووپێوی مەیدانی لە بوار و ڕەهەندی جیاواز.
ئەنجامدان و ڕێکخستنی چالاکی ژینگەیی هەمەجۆر.
بەشداریکردن لە چاپ و بڵاوکردنەوەی هزر و ئەدەبیات بۆ ئامانجەکان.
هەڵمەتی هۆشیاری و بەئاگاهێنانەوە لە بواری مافەکان، ئازادییەکان، یەکسانی و بەرپرسیارێتییەکان.
خولی ڕاهێنان لە سەرجەم بوارە هزری و کۆمەڵایەتی و بەشدارییە دیموکراسییەکاندا.
کارکردن و هەماهەنگی لەگەڵ دامەزراوەکان و حکومەتە خۆجێییەکان، بۆ بەکولتوورکردنی دیموکراسی و هەستکردن بە بەرپرسیارێتی بەرامبەر کۆمەڵگە و بەها و سەرمایە کولتوورییەکان.
پابەندبوون بە یاسا نێودەوڵەتییەکانی تایبەت بە بنەماکانی مافی مرۆڤ.
پێگیریکردن لە یاسا بەرکارەکانی هەرێمی کوردستان.
پاراستنی بەرژەوەندییە گشتی و باڵاکانی هەرێمی کوردستان.
ئەو لقانەی لە دەرەوەی هەرێمن پابەندی یاسا پەیڕەوکراوەکانی ئەو شوێنانەن کە لێی کاردەکەن.
ئەندام پێویستە بەرنامە و پەیڕەوی ناوخۆ و پەیماننامەی ئاکاری و پیشەیی ڕێکخراو بخوێنێتەوە و پابەند بێت پێیانەوە.
پێکدێت لە (٣) کەس یان زیاتر کە دامەزرێنەری ڕێکخراون و بەدواداچوون و هەڵسەنگاندن بۆ چالاکییەکان دەکەن.
پێکدێت لە سەرجەم ئەندامانی ڕێکخراو، و بە هەڵبژاردنێکی ئازاد و نهێنی سەرۆک و جێگر و بەڕێوەبەرەکان هەڵدەبژێرێت.
پێکدێت لە سەرۆک و جێگری سەرۆک و (٥) بەڕێوەبەری یەکەکانی کۆمین، و لە نێوان دوو هەڵبژاردندا بەرپرسە لە کاروباری ڕێکخراو.
داواکارییەکی نووسراو بۆمان بنێرە، تیمەکەمان پەیوەندیت پێوە دەکات.
پەیوەندیمان پێوە بکەدانیشتوو یان نیشتەجێی هەرێمی کوردستان بێت.
تەمەنی ١٨ ساڵی تەواو کردبێت و ئەهلییەتی یاسایی تەواوی هەبێت.
باوەڕی بە پەیڕەوی ناوخۆ هەبێت و ڕێنماییەکانی جێبەجێ بکات.
